sexta-feira, 28 de fevereiro de 2014

"O NOSSO" POETA EMÍLIO TAVARES LIMA.


N’gosta!

I sin ku bu tchiga mundu
Bodona, kaba sabi sabolada
Suma ku kumpudu domingu
Santus mati ba pa tustumunha
Kuma tudu staba na si puntu.

Ali bu pertan pitu, santadu
Nha korson bida djiu di paz
Te di bu fitas n’gosta:
Udjus saradu, rabidadu pa li
Utru ora rabidadu tan pa lá,
N’gosta.

Bu ta pun rii, suma si nunka
N’ten ba roson di tchora,
Si m’bin tem ku tchora pa bo
Pa i cedu pingu di sabura
Ku sain di kudadi
i sintan na pitu.
Suma ke n’gosta.

Si tê sorti ta da tarbadju
Ami distinu bin dan bo
Ba djubi nha sorti i abo
Ô tan nha norti ki bo?
Ma n’gosta!

Autor: Emílio Tavares Lima

Sem comentários:

Enviar um comentário